Page 8 - MIN ARENDS 6 APRIL 2017

“Nos a pone como meta pa trece alivio den esaki. A dura basta prome cu tur cos a keda
realisa. Durante un di nos prome biahenan pa Hulanda nos a topa cu ehecutivonan di
Qredits unda nos a discuti con trece e instituto Aruba.

Qredits riba su mes a cana e caminda pa por a haya e ‘bankvergunning’ necesario.”“Mi
mes ta bin di un famia di empresario. 85% Di negoshi na Aruba ta chikito of mediano.
Pesey ta importante pa tur otro idea cu tin den cabez di esnan cu un dia kier tin nan
propio negoshi, pero no ta logra dor di falta di capital, ta haya oportunidad cu Qredits pa
logra nan meta.Desde e prome Gabinete Mike Eman, e maneho economico tabata dirigi
den crea posibilidadnan pa negoshinan chikito y mediano.Tambe pa envolve
empresarionan den yega na actividadnan economico.” Arends a splica cu di parti di
Gobierno semper a percura pa yuda. A crea Bureau Innovatie pa bin cu ideanan nobo y
realisa nan y IDEA di Departamento di Asunto Economico pa duna coaching con
cuminsa un negoshi.Sin duda e enorme contribucion di Camara di Comercio y ATIA a
percura pa realisacion di Qredits na Aruba. Minister Richard Arends a splica cu den
cuadro di Reino Hulandes, Aruba tambe a firma e SDGnan (metanan sostenibel) di
Nacionnan Uni. Esaki a sosode bou guia di Prome Minister Mike Eman.“Number 8 di e
metanan aki ta aceso na capital. Cu apertura di Qredits, Aruba ta tuma un otro paso den
cumpli cu e metanan di UN.Apertura di Qredits no ta solamente resultado di trabou duro
dor di hopi hende, pero e tambe tambe un complemento di nos mercado financiero.E no
ta un competencia di nos banconan, pero ta complementa e producto financiero cu Aruba
por brinda.Un punto cu sigur ta importante pa menciona ta educacion y coaching cu
Qredits ta ofrece, pasobra esakinan ta hopi importante ora di planta e semiya di
entrepreneurship.” Minister Arends a felicita Qredits y tur envolvi cu e instituto, a desea
nan tur clase di exito y cu pronto Aruba ta wak e prome frutonan di e fianzanan cu ta
wordo otorga.