Page 7 - MIN ARENDS 6 APRIL 2017

Na Apertura Di Qredits, Minister Richard Arends: “Cu

Apertura Di Qredits, Aruba Ta Tuma Un Otro Paso

Den Cumpli Cu Metanan Di Nacionnan Uni”

 Politica
- 05/04/2017

Instituto non profit Qredits den forma festivo a habri su portanan den MFA Noord. Esaki
a sosode den presencia di Prome Minister Eman, Minister di Asunto Economico y
Comunicacion, Richard Arends, CEO di Qredits sr. Elwin Groenevelt, fundador di
Ondernemend Nederland sr. Hans Biesheuvel, branch manager di Qredits na Aruba sr.
Oliver Vieira y varios invitado cu a acudi n’e momento special aki.

Qredits ta un fundacion non profit cu ta otorga micro financiamento te cu 50 mil florin na
un interes di 8,75% y ta coach entrepreneurs durante inicio di nan negoshi.

Loke ta diferencia Qredits di e demas institucionnan financiero ta cu e instancia aki no ta
pidi borg p’e fianza.

Aprobacion di e fianza ta basa primordialmente riba e plan di negoshi cu ta wordo
presenta, como tambe e habitonan y motivacion di e empresario.

“Un di e obstaculonan mas grandi den ‘doing business’ na Aruba y otro partinan di
mundo ta aceso na capital”, asina Minister Richard Arends a cuminsa su discurso n’e
ocasion aki.