Page 9 - MIN ARENDS 6 APRIL 2017

PROME MINISTER EMAN “QREDITS TA BAY

REALISA SOÑO DI HOPI”

April 6, 2017 adminarubanative Uncategorized Leave a comment

ORANJESTAD – “Un parti di mi funcion ta pa haci soño di otronan bira realidad,
cu ta algo masha bunita”, asina Prome Minister Mike Eman a inicia su discurso na
apertura di Qredits, e institucion non profit cu ta yuda empresarionan hoben y
start ups cu financiamento pa cuminsa nan propio negoshi. “Qredits cu awe ta
habri su portanan den MFA Noord, ta bay realisa soño di hopi.”

Prome Minister Eman a bisa cu durante e ultimo añanan cu e y su gobierno a bay
den dialogo cu organisacionnan manera Camara di Comercio, ATIA, San Nicolas
Business Association y tambe cu entrepreneur y start ups, un elemento den
forma constante tabata bin semper dilanti. “Esey ta acceso na capital cu pa
mayoria di esnan cu kier cuminsa riba nan mes ta e bottleneck mas grandi.”
Eman a enfatisa cu pa yega na un banco comercial pa haya prestamo semper tin
dos condicion cu mester cumpli cu nan. “Tin bo propio garantia (borg) y un plan
empresarial amplio. Esaki pa hopi entrepreneur ta e obstaculo di no por sigui cu
nan bunita ideanan. Si nos kier sigui engrandece Aruba ta importante pa e
ideanan inspirativo y innovativo aki wordo realisa. Ta pesey cu awor e momento
bunita a yega cu e instituto financiero Qredits cu ta bay ta mas habri pa e
entrepreneur y start up cu nan ideanan, ta habri su portanan pa realisa soño di
hopi y asina ta pone tambe un base pa e desaroyo economico di Aruba.”

Prome Minister Eman a conta tambe cu dos otro meta mas di gobierno ta keda
realisa cu apertura di Qredits. “Evidente ta cu establecimento di un instituto
financiero cu sigur lo tey pa sostene empresarionan nobo y garantisa nan e
caminda pa cana pa ta exitoso ta e prome meta. E di dos meta ta e vision cu nos
a pone nos dilanti pa desaroyo di un MFA ta haya awor un dimension y
profundacion adicional. Tempo cu e concepto di un MFA a bin dilanti nos a pone
como meta cu ta importante pa e sevicio cu den forma tradicional ta wordo
brinda na e cuidadano den e diferente barionan na Aruba, mehora y haci cu e
cliente ta Rey. Pa crea un acomodacion unda esnan cu tabata haci uzo di HBK
por haya un servicio optimal.”

Despues cu e apertura di e instituto financiero Qredits a wordo realisa, a sigui un
brindis ameno cu varios invitado di entre otro mundo bancario, di KvK, ATIA,
UvA, empresarionan hoben y ehecutivonan di MFA Noord. Qredits ta na