Page 41 - Djaluna 29 oktober 2018.pdf

Djaluna 29 òktober 2018 41

Kontinuashon di pagina 9
Insertidumbre

kaya prinsipal, den
Waaigat i e obranan
maestro den Punda i riba
Brionplein. Investigashon
realisá pa EXTRA ta
mustra ku ta un artista
lokal ta enkargá ku e
arte. E tin su preis, pero
ta algu ku famianan
kompletu ta disfrutá, pero
prinsipalmente komersio
ta haña un aliento. Den
kombersashon breve ku
e presidente di Sosiedat
di Komersiantenan di
Otrobanda sra. Jacqueline
Seibald el a bisa ku ta den
e wikènt aki el a tende e
informashon aki pa promé
bia. E ta bai diskutí esaki
den su direktiva pa nan
studia kiko mester hasi.
Riba e pregunta di
EXTRA kiko ta e impakto
riba komersio kada aña
ora tin e dekorashon sra.
Seibald a deklará ku tur
aña asina ku inougurá e
dekorashon mesora por
nota ku kayanan ta yen di
hende ku ta bai sentro di
siudat pa atmirá i disfrutá
di e dushi ambiente,
sperando dianan di fiesta.
E presidente di SKO ta kere
ku si no tin e dekorashon
esei sigur lo tin un impakto
riba sentro di siudat. Riba
esaki EXTRA a bolbe
puntra si SKO lo ke hasi
mas pa trese e proyekto.
Sra. Seibald a indiká ku
e mester papi’é den su
direktiva.Manera indiká
kaba e proyekto aki ta
kosta kasi 1 mion florin
pero otro kompanianan
di gobièrnu òf asosiashon
di empresanan no ta
duna mas ku 0.5% na
kontribushon pa logra un
proyekto ku hustamente
sektor empresarial tin mas
benefisio di dje.
Tin informashon ku
a hasi un petishon na
servisio di OW, ku ta kai
bou di ministerio di Tráfiko
i Planifikashon Urbano
(VVRP), pero no tin un
kontesta ainda. Den pasado
nunka ministerionan no
sa koperá muchu, pues
kisas e bia aki lo por logra
konvensé ministerionan òf
ta hasi un apelashon mas
serio na esnan ku tin mas
benefisio ekonómiko di e
proyekto aki.
Pa loke ta trata
Aqualectra tur hende por a
tuma nota ku kada bia ku
hotèlnan a bati bankrut i
otro empresanan grandi
tambe, ta sali na kla ku
nan a sera lagando debe
grandi atras di koriente i
awa.