Page 10 - AVP

Tur esaki mientras cu nan sa bon bon cu den un vragenuur Parlamentarionan no por haci
nada, ya cu simplemente e Minister ta bin y contesta preguntanan cu su Parlamentario a
haci.

E Parlamentario en cuestion tin dos minuut pa haci preguntanan y e otro
Parlamentarionan tin un minuut pa haci pregunta, pues a traha un show pa mustra cu e
Minister tin un maneho transparente cual e lo uza den e caso cu e tin pendiente cu e
politico Booshi Wever a inicia den un caso di LAR p’e haya e documentonan.

Cu e reunion aki e Minister lo kier usa den e caso aki, pero e tin un caso tambe cu e
compania Johnson a cuminsa contra pais Aruba, ya cu Johnson tin un contract valido pa
duna e servicio aki y tog Minister Oduber a bay pa un destaho publico pa busca un
incinerator pa haci mesun trabou cu e compania aki ta haciendo caba.

Tur esaki p’e Minister fix su sponsor, ya cu ora nos mira e compania cu el a punta dede
riba esaki mester gana e destaho aki, ta su sponsor e ta y a mesun compania di Caribbean
Trucking.

Por spera cu e Minister lo bolbe bin insinua cu nos ta lastra nomber di bon hende, pero
esaki no t’e caso ya cu si e compania a participa den algo turbio, nos tin cu pone pueblo
na altura di kico ta tumando lugar.

Fraccion di AVP a manda pidi e documentonan aki, pero Minister Oduber ta manda
Parlamento un carta bisando cu e no por duna e documentonan, pero nos tin un ley di
LOBT caminda bon cla Marlon Sneek a manda bisa e Minister aki cu basa riba e
‘Landsverordening Openbaarheid van Bestuur’ y su articulo 6 inciso 4, p’e manda e
documentonan cu nos a pidi pa Parlamento.

Awe tur hende por mira cu e Gobierno cu a priminti bon gobernacion, cu a priminti
transparencia, cu a priminti tur cos, awe ta sconde documento.

Minister Otmar Oduber no kier manda e 61 documentonan aki pa Parlamento, p’asina
Parlamento pasa den esaki y no den un vragenuur caminda e Minister a pone ter inzage di
61 documento cu tin mas cu 600 pagina y ta insisti pa Parlamento repasa esakinan den 6
minuut y haci pregunta.

Ken e Minister aki kier gaña, pero si e Minister aki a bay den un radio tour, pasa na tur
radio pa trata d convence tur hende con transparente e ta y awe nos ta haya sa cu e no tin
nada di transparencia, pasobra e no kier duna Parlamento e documentonan.