Page 9 - AVP

Lider Di Fraccion Di AVP, Marlon Sneek – Minister Ta

Nenga Di Manda Documentonan Riba Incinerator Pa

Parlamento

 Politica
- 15/07/2019

Ya ta un luna caba cu fraccion di AVP ta pidiendo Minister di Infrastructura, Otmar
Oduber pa haya documentonan relaciona cu e destaho publico di un incinerator, pero no
ta ricibi ningun reaccion di e Minister concerni.

Un Gobierno y e Minister aki cu tin nan boca yen di e palabra transparencia, pero ora cu
momento di berdad yega, ta priva Parlamento di informacionnan necesario y den e
proceso aki tambe sconde informacion pa pueblo di Aruba.

“Ya fraccion di AVP tin un luna largo ta pidiendo informacion riba e proceso di destaho
publico riba e incinerator cu mester bin na dump pa Serlimar p’asina por kima e.o. e
sushinan cu ta sali for dii e ‘upcicling’ cu ta sali for di e awa sushi cu DOW net cerca di
Serlimar ey, caminda nos a denuncia cu nos tin informacionnan cu ta bayendo rond cu lo
tin konkelmento tumando lugar.
Lo tin un compania A cu lo a gana, pero Minister a duna ordo cu ta compania B mester
bay traha caminda e Minister pa medio di su Parlamentario a bin haci un show den
Parlamento, caminda a yama un ‘vragenuur.’