Page 11 - AVP

Awe e ta pretende di sconde tras di ‘Landsbelang’, pero e unico cos cu tin di
Landsbelang, ta si e compania Johnson gana su caso den Corte, e pais aki ta bay paga un
daño y perhuicio di mas di 2 miyon florin, pasobra Gobierno a cera un contract, a haci un
destaho publico pa duna un servicio cu ya tin un compania ta duna, pues tin cu bay paga e
compania aki y mester bay paga esun cu a gana e destaho, Sneek a sigui bisa.

Nos kier bise di awor caba cu su persona lo tin cu bay paga e placa aki ya cu ta imposibel
cu Minister Otmar Oduber ta hinca pueblo den gastonan inecesario.

Nos ta bay manda un carta bek p’e Minister, ya cu e mester manda e documentonan aki
pa Parlamento ya cu esaki ta un falta di respet flagrante pa Gabinete Wever Croes, ya cu
Prome Minister Evelyn Wever Croes tur dia ta yena su boca y ta papia di gabinete
transparente, cu nan lo bay tin cu tur sorto di instancia pa garantisa bon gobernacion.

Awor cu nan ta haya oportunidad di step up to the plate y manda Parlamento cu t’esun cu
mester controla Gobierno, documentonan p’asina Parlamento por sa kico realmenta ta
tumando lugar, awe kier sconde tras di un caso den LAR, pero mi Shon, ta un
Parlamentario di pais Aruba a manda pidi documento y deber di e Minister ta di manda e
documentonan aki p’asina Parlamento haya claridad den e asimtp aki, lider di fraccion di
AVP, sr. Marlon Sneek a declara.