Page 14 - AVP
P. 14
Parlamentario Robert Candelaria (AVP) – Husticia
Den Crisis Pa Falta Contundente Di Maneho Di Un
Minister Incapaz
Politica
- 15/07/2019
Cuerpo Policial den su totalidad ta demotiva!
“No ta un secreto cu tur cos cu por a bay robes den Cuerpo Policial, a bay robes. Varios
situacion preocupante tumando lugar un biaha mas den e siman aki cu mester di atencion
inmediato, pero tambe tin cu pone riba lista di prioridad enbes di malgasta capital pa dia
na helicopter,” asina Parlamentario di AVP, Robert Candelaria ta bisa den un
declaracion.
Actualmente na Warda di Playa tin e situacion di schimmel cu a causa Polisnan a sali for
di warda. Esaki no ta algo cu ta tumando lugar di awor, ta 24/7 ta traha den un warda, y
contrario na otro edificionan, infrastructura/airco y tur otro cos mester ta diferente.
E situacion aki tin basta tempo tumando lugar, mescos cu e situacion na Frankrijkstraat.
Ta opta pa huur 2 edificio pa un departamento siendo cu ta keda vocifera cu no tin placa.
