Page 27 - MIN VOS

Minister Alex Schwengle: Hopi federacion ta entrega
begroting sabiendo cu lo corta aden

Tuesday, 21 March 2017 08:17
Comparti

Riba e pregunta cu si tabata tin cortamento di placa pa federacionnan of menos placa a wordo duna,
minister Alex Schwengle a splica cu tur begroting cu wordo entrega, e federacionnan a custuma di pidi te
dimas. Algun federacion ta traha un begroting hopi bon, pero hopi federacion ta entrega un begroting,
sabiendo cu nan lo corta.

Nan ta bisa e ora cu nan a corta den cartera. Si ta pidi cosnan delanta caba den begroting, ta mescos si e
miniser bay pidi ministerio di finansas pa e haya 10 miyon pa e maneha su cartera. E no ta bay dun’e, e ta
bay cort’e y cu rason. Un federacion ta pidi cu e sa cu e lo cort’e, claro cu ta cort’e. Tin cu lubida cu tin
mas placa cu nunca den deporte. Pesey MEP ta rabia y saca nan gal, pasobra nan sa cu AVP ta haciendo
miho cu nan. E federacionnan sa cu nan mester cumpli cu cierto reglanan. Tin un subsidie regeling cla y
raspa. Nan ta cumpli y nan ta haya nan cen. Tin cu entrega nan cuenta tur aña. Si no entreg’e, ta corta
mescos cu e aña anterior. Si bin cu plannan serio demostra e subsidie commissie, claro cu ta dispuesto pa
duna mas, pero tin cu demostra ki beneficio di e mas ey ta pa e muchanan y pa pueblo. Duna placa
zomaar no tey mas. Awendia tin cu bin cu un plan concreto, y splica. E minister ta abierto pa cualkier
federacion bin cerca dje y bin cu plan. Demostra kico mas por agrega na balor pa deporte y e minister ta
dispuesto pa duna mas. Tin un tiki mas cen awo. Interes Minister Alex Schwengle a sigui splica cu tin cu
realisa cu den kansspelen, loteria, etc, un di e cosnan mas importante pa un negoshi asina, ta bo
credibilidad. Pasobra mester tin confiansa cu e trekking ta bon y cu e tin su balor y bo por confia cu e
hendenan eynan ta integro. Esey na e momento aki por garantis’e. E partnership cu CBN no ta malo,
door cu organonan internacional ta controla CBN y ta controla Lotto di Aruba.

Awor aki ta mara cu un contract y no esey so. A demostra den pasado cu por maneh’e malo tambe.
Mester bay bin cu un manera cu ta garantisa Gobierno y pueblo cu loke a pasa den tempo di MEP no ta
bay pasa nunca mas. Un di e cosnan cu ta yuda trece e balans extra ey cu CBN. E minister ta keda cu e
partnership cu CBN den futuro, e lo bay cambia, caminda cu CBN ta haya menos placa. El a cambia caba
as we speak, pasobra a haci un cambio den e contract. E otro cos ta tambe cu si ta e grupo di catochi,
pakico catochi nunca a duna 20% di Gross Revenue. Dicon nunca no a wak nan buki, di berdad kico nan
omzet ta. Ta calcula cu e omzet ta entre 20 y 30 miyon. Imagina esaki den deporte. Con ta bay confia
hendenan asina, cu pa hopi tempo pa scapa di belasting. Nunca nan a aporta na nada, a lo menos no na
un manera transparente na deporte abierto. Con ta bay buta maneho di Lotto den un grupo asina. E
minister no ta kere cu esey ta prudente. E ley E ley ta urgente y mester pase mas pronto posibel,
garantisa Lotto pa bida largo y cualkier cu ta den kansspelen, loteria of catochi, duna 20% di Gross
Revenue na deporte. A calcula caba cu e por, segun e minister. Nan ta resta suficiente cen, el a splica por
ultimo.

Minister Alex Schwengle: Gobierno anterior a laga Lotto
basicamente den bancarota