Page 31 - MIN VOS

Resultado Playoff Campeonato Double AA –
Pool B Red Machine ta pica dilanti den
Playoff Double AA

16 HORA PASA , 20 DI MAART 2017 17:52

SECCION: DEPORTE

E prome partido pa loke ta trata Pool B di e playoff final di Campeonato Double AA organisa pa
ABBA tambe a tuma lugar den fin di siman. E 2 ekiponan cu a logra jega na e playoff aki ta Red
Machine y Rockets Freezone

Red Machine ta logra bai cas cu un victoria den un wega basta preta di 5-3. Rockets Freezone
ta purba bin bek den di 9 inning pero no ta logra di anota mas di un careda y asina e wega ta
terminda cu un victoria pa Red Machine.

Un total di 5 careda, 9 hit, 8 coredo lagan a base y 2 error pa Red Machine mientras Rockets
Freezone tabata tin un total di 3 careda, 2 hit, 8 coredo laga na base y cu un total di 6 error,
cual sigur a hasi un diferencia den e wega. Miihor bateadornan pa Red Machine tabata Darwin
Escobar, Christopher Williams y Julio Hernandez kende nan a bai cu 2 hit den 4 turno y pa
Rockets Freezone, Danilo Croes y Leander Angela cada un cu un hit. Pitcher ganador Nathan
Berkel, kende por cierto tambe a keda como “Player of the Game” pa loke ta e prome wega
playoff final di Pool B. Pitcher perdedor tabata Ramon Gonzalez

E weganan playoff pa loke ta Pool B ta como lo siguiente: Diamars 21 maart, pa 19:45 na Nadi
Croes / Crismo Angela Ballpark, Diabierna 24 maart, pa 19:45 na Nadi Croes / Crismo Angela
Ballpark y si tin mester lo bai 2 extra fecha cual nan ta Diasabra 25 maart, pa 19:45 na Joe
Laveist Ballpark y e wega final di e playoff Pool A lo ta Diamars, 28 maart, pa 19:45 na Nadi
Croes / Crismo Angela Ballpark. Atrobe, e ultimo 2 partido nan aki ta unicamente si ta necesario

Nos kier a invita tur fanaticada di baseball pa jega y apoya nos talentonan local. Tambe nos kier
a duna un danki na nos sponsor Tropical Bottling kende a bira nos patronisador pa loke ta e
final di Campeonato Double AA - ABBA