Page 36 - Djaweps 13 september 2018.pdf
P. 36
36 Djaweps 13 Sèptèmber 2018
Kontinuashon di pagina 6
Notorio maniak
kolombiano ku a hib’é na
sede di Interpol na Caracas.
E korant kolombiano ta bisa
ku e maniak a drumi den un
sèl banda di eks-minister di
finansa di Kòrsou, George
Mohamed Jamaloodin,
ku reino ulandes a pidi
su ekstradishon. Segun e
vershon, e eks-funshonario
di Kòrsou ku tabata detené
for di 2017 na Venezuela, a
duna Lobo Feroz un glas di
awa “limpi” na momentu ku
nan pasonan a krusa otro.
E korant kolombiano ta
menshoná nòmber kompleto
di Jamaloodin den e artíkulo.
Pa loke ta trata El Lobo
Feroz, a hasi un kòntròl pa
loke ta trata e kondishonnan
den kua e ta detené i tambe
a hasi un eksámen médiko
forénsiko di su salú ku
ta parti di e protokòl di
ekstradishon. Su defensa ta
alegá ku e krímennan ku ta
akus’é di dje a vense komo
ku nan a tuma lugá mas ku
10 aña pasá.
Na momentu ku e korant
kolombiano a publiká e
informashon, e korant no
tabata sa ainda ku miéntras
tantu a manda Jamaloodin
Kòrsou.
