Page 12 - bon-dia-aruba-20190608

a12 riba caya
Diasabra 8 Juni 2019

BCI hunto cu InfrAruba hopi visibel durante temporada di horcan

ORANJESTAD - Segun vocero di Bureau City Inspec-
tor, Robby Rosel, ya caba e team di BCI ta full cla pre-
para pa e temporada di horcan aki. Tur dia diferente
team ta riba caminda y riba e ruta di beachnan.

Nos control a cuminsa y nos por bisa cu ya caba nos por mira
hopi parti di e beach nan cu ta cuminsa bira sushi di e matan-
an y alabes tin hendenan cu ta tira entre otro tire, cups, saco
di plastic Boter y mucho mas desperdicio den nos lama. Nos
kier a puntra tur hende pa mantene esaki limpi y no tira sushi
den nos lamanan.
Nos a bishita e parti di Lighthouse, caminda cu nos turistanan
ta bishita tur dia, y aki nos por a mira un gran cantidad di pa-
pel di napkins, box y cups cu e snack truck ta uza, cu ta pega
den tur e matanan. Eaki ta algo hopi mahos pa nos y nos bishi-
tantenan. Team di BCI mes a ruim op e parti aki.
Otro di nos team a logra hiba un control riba diferente Ran-
chonan banda di lama cu nos hendenan ta uza pa campa du-
rante di weekend. Aki nos por a bin mira con e hendenan aki
ta tuma ordo den man pa cera e sitio publico aki riba nan mes,
sin cu tin ordo di DIP pa por cera e luga aki; otro ta haci uzo
di e luga pa haci trabou di mecanico. Nos por a mira con mal-
trato di cacho ta tuma luga, caminda cu tin 2 cacho den tur e
solo mara, trailer bieu tira ariba beach y mucho mas.
Un biaha mas nos kier pidi tur esunnan cu tin tur e paletnan
poni y cera como cura rond di e ranchonan, pa por fabor
kita esakinan prome cu nos tuma pasonan cu despues bo por
lamenta. Corda semper cu tin un articulo cu bo no mag di
pone nada ariba caminda publico.
Otro team di BCI a bay inspecciona e rooinan y e damnan,
mirando cu e sushi ta malo pa nos medio ambiente. BCI kier
pidi pa kita esakinan mas pronto cu ta posibel. Sino, nos mes-
ter pone DIP, KPA na altura di esaki.