Page 46 - MIN ON
P. 46
26 AWEMainta Diaranson, 5 April 2017
Jadidah Winklaar staf functionaris
Dienst Publieke Scholen (DPS)
Training di
International School
Leadership (ISL)
tabatin un setting
perfecto y exitoso
JADIDAH Winklaar, kende ta forma parti di e staf di Dienst Publieke
Scholen, a haya cu International School Leadership (ISL) a bay bon.
E parti importante pa Winklaar tabata cu e setting tabata perfecto y
e training tabata uno exitoso.
“E tabata hopi bon, den e sentido cu nos a bini hunto cu otro. Lider-
nan di scol, cabesante, schoolbestuur, inspectie, Directie Onderwijs,
tur hunto den e setting ey tabata perfecto. Pasobra tur hende tin dife-
rente nivel tambe of tipo di scol. Bo tabata brainstorm, haya hopi mas
informacion y tur ta comparti nan experiencia hunto. Esey pa mi tabata
hopi importante. E setting con nos ta cu otro”, Winklaar a splica.
Pa opdracht nos mester haci un proyectplan, unda cu nos mester bay imple-
menta algo na nos scol, pero tin asina hopi. Hopi cos ta importante y tur cos
ta bon, tin cosnan cu ta un refreshment, pero e frame work ta algo cu a haci
impacto.
Den e ultimo les/training, e instructor a bisa cu Ministerio di Enseñansa ta bay
haci e frame work na Hulandes, e ta bay traduci esey pa nos, pasobra nos tur
na Aruba por uza e frame work.
Esey ta uno cu ta importante, pero den tur e dianan tur tabata tin cosnan im-
portante. Kiermen di data, di diferenciacion, kiermen tur tabata importante. Ta
solamente cu nan mester trece esaki den practica.
“Mi ta kere prome cu tur cos cu nos mester haci ta bisa danki na nos Minister
pa duna nos e oportunidad di haya e training aki.
Manera mi a bisa cu den e setting aki ta importante, no cu ta solamente bo ta
cu directornan so tur ora, pero bo tin e hendenan cu ta cay bou di e school-
bestuur aki cu tambe tabata presente den e training, bo tin inspectie, Directie
Onderwijs, bo tin otro directiva di scol manera SPCOA, SKOA y trahando
hunto nos ta brainstorm y cambia informacionnan.
Esey tambe tabata hopi importante y mi ta kere cu nos mester pasa e infor-
macion aki cu nos a ricibi bek pa nos docentenan. Kiermen nos e lidernan
tabat’ey, nos tur a haya e oportunidad pa presenta den e training aki, haci
uzo di e training aki, pero awo nos mester pase pa nos docentenan cu
ta traha na school.
Y bisa Minister danki pe oportunidad y cu e tabata un training
exitoso”, Winklaar a conclui.