Page 16 - BNDIA ARUBA

A16 HENDE
Diamars 30 Juli 2019

Campamento di Aruba bon bishita durante Dia Cultural na

World Scout Jamboree

BECHTEL SUMMIT/ORANJESTAD – Fin di siman
tabata uno basta ocupa na e tereno di campamento di
e contingente Arubano. Diabierna ultimo tabata Dia
Cultural den e programa di e di 24 World Scout Jam-
boree cu ta tumando luga na Bechtel Summit, West
Virginia. Esaki ta nifica cu cada pais tabata prepara un
presentacion di su musica, trahe, cuminda y custum-
bernan pa otro scoutnan por conoce. Loke e delegacion
di 34 hoben y lider Arubiano a prepara pa e actividad
aki, a sa di hala atencion di hopi hoben durante trans-
curso di henter dia. El a consisti di musica di steel pan,
cuminda y cos dushi, entre otro.

Karlson Peterson, un di e hobennan Arubiano a toca temana
popular manera ‘Despacito’ y ‘Fools Rush In’ riba steelpan,
cual sigur a impresiona scoutnan di otro paisnan cu tabata
para su dilanti pa admira su destreza riba e instrumento tropi-
cal aki. Fuera di esey, henter e delegacion a bisti tshirtnan di ‘I
Love Aruba’ danki na cortesia di Jolley Holding, y a traha un
replica di e famoso borchi caminda tanto turista ta saca potret.
Banda di esaki tabatin diferente buki y buki di potret caminda
e bishitantenan por a conoce mas di nos flora y fauna. Tambe
a parti funchi hasa cu keshi geel y pida bolo di pruim.