Page 18 - BNDIA ARUBA

a18 deporte internacional
Diamars 30 Juli 2019

Dressel ta kibra Phelps su record cu 8 medaya

GWANGJU (AP) – Caeleb Dressel a kibra e record di
Michael Phelps den e Campeonato Internacional di
Landamento, e weganan mas grandi fuera di Weganan
Olimpico. El a gana 8 medaya, incluyendo 6 di oro.

Dos aña pasa na Hungria e mesun landado Estadounidense
a empata cu Phelps su record di 7 medaya durante un wega
den e campeonato mundial, incluyendo e record personal di 3
medaya di oro den un anochi. E atleta a conta Associated Press
cu durante e competencia, e no tabata sinti su mes 100% pa
via di tur e presion cu ta riba dje y e presion cu e ta pone riba
su mes. “Tin parti durante esaki unda mi no ta sinti mi mes
bon, pero mi ta disfrut’e si, e reto cu e ta trece cune.”
Diadomingo pasa Dressel a caba su careda di 8 dia stret cu un
medaya di plata den un seccion di 4 biaha 100 meter. El a logra
saca Merca di e di 4 luga pa di prome luga cu su butterfly leg
cu un tempo di 49.28 seconde, e unico persona cu e tempo
bou 50 seconde. Den un mundo post-Phelps, parce cu Merca
ta bon para pa e weganan Olimpico na Tokyo den 2020.

Yankees victorioso contra Red Sox 9-6 evitando un ‘sweep’ di 4 wega

BOSTON (AP) – Despues di a perde e prome 3 we-
ganan den e serie AL East, Yankees a logra boltia nan
posicion cu un victoria 9-6, evitando di 4 perdida con-
secutivo.

Diadomingo pasa si Boston lo a gana nan, lo por a bolbe
drenta e competencia den AL East, pero nan no a logra esaki;
maske nan ultimo victoria contra nan rival, Yankees mes, ta-
bata uno gigantesco. Despues di par di wega dificil e Yankees
a logra boltia nan posicion den e competencia cu e victoria
contra nan rival.
E biaha aki e hungadonan cu a resalta tabata Didi Gregorius
y Austin Romine, mirando cu ambos a dal un home run cu a
score 2 punto cu 2 run. Ademas di Domingo Germán, kende
a logra strike out 9 hungado di Boston Red Sox durante e
wega.