Page 13 - BNDIA ARUBA

a13
riba caya Diahuebs 13 December 2018

Persona a mira señora grandi canando den forma sospechoso

BALASHI - Diaranson atardi, durante bahada di solo
un automobilista pasando riba e brug di Balashi ca-
minda paden pa Pos Chikito, a capta un señora di edad
canando den un forma straño pa bay subi e brug banda
di lama.

E persona a core bira bek, pasobra tabata wak e señora ta yora,
y ora a bira ya e señora no tabata t’ey den fraccion di seconde,
y a bati alarma.
Polis a tuma dato y a cuminsa cu un buskeda y control rond
di e brug y wak si por a mira algo banda di e brug. A bay na
un cas cu ta conoci pa polis di un señora cu sa cana den forma
straño, pero debi cu e ta su so, e ta cana asina atardi riba ca-
minda paden of principal, pero no a topa cune.

Auto a dal den trailer banda

di caminda na Golfweg

ORANJESTAD - Diamars anochi laat riba Golfweg na
San Nicolas, un chauffeur coriendo un Kia Rio a dal
den un trailer cu tin pega cu caminda, y bay staciona
den mondi.

E auto su parti dilanti a keda basta kibra, mientras e chauffeur
a sali ta keha di dolor di curpa for di e auto.

Polis di trafico a presenta di biaha na e sitio pa tuma dato. A
ripara cu di berdad e trailer cu ta keda uza pa pone ekipo pisa
tabata hopi pega cu caminda, pa cual motibo a yama takelwa-
gen piket pa busca solucion pa esaki.