Page 10 - MIN ARENDS 7 APRIL 2017
P. 10
tres aña atras, y apenas awo ta trata esaki, Gobierno no ta mustra seriedad den loke
nan kier logra cu e CFT aki.
El a agrega cu e ta convenci cu den aparato gubernamental mes, tin e tools necesario
pa trece mehoracion den maneho di Aruba, specialmente den maneho financiero, pero
ta gobiernonan di pasado ta esnan cu a kita poder di cada un di e departamentonan
aki. For di aña 89, Centrale Accountantdienst no por eherce nan trabao manera debe
ser. Economische Zaken cu pa varios aña no ta funcionando. Un Gobierno cu no ta haci
caso ni na Algemene Rekenkamer, ni di Raad van Advies. E pregunta ta pakico mester
bin cu otro instituto cu no ta sirbi pueblo manera mester ta. Esaki tabata algun di e
kehonan cu Partido Mas a trece dilanti durante nan reunion na Hulanda.
Lider di Partido Mas a enfatiza cu Arubianonan no ta ciudadano di segundo clase, nan ta
considera cu pueblo como ciudadanonan di prome clase, y pesey nan a bay trata e
asuntonan economico na nan raiz.
