Page 11 - MIN ARENDS 7 APRIL 2017

Holmo Henriquez di MAS ta convenci cu

KvK a mustra nan color politico

ORANJESTAD (AAN): Sr. Holmo Henriquez, lider di Partido Mas (Movimento Arubano
Soberano) a expresa cu su partido no ta un alternativa mas, e ta e solucion pa Aruba.
Dia 22 di September, pueblo mester tuma nan decision hopi conciente di kico ta bay
pasa den siguiente 4 aña.Segun Sr. Henriquez, e realidad di bida ta cu pueblo no por
laga e mesun partidonan cu a desgracia e pais aki, bolbe goberna y purba drech’e,

pasobra si nan por a drech’e, nan lo haci esaki 30 aña pasa caba.El a indica cu segun
fuentenan di CBA y CFT, debe y entrada di e pais desde ’86, e debe a crece y entrada a
keda abao, no tin un gobierno cu por bisa cu esaki a cambia. Y si Aruba keda den

mesun rumbo, e problemanan ta bay aumenta y empeora.Pa loke ta trata caso di
Camara di Comercio, Sr. Henriquez a bisa cu nan a mustra nan color politico y
parcialidad riba debate, pa motibo cu for di unda a sali cu Partido Por a worde considera
di biaha pa participa den debate, Partido Por, sin importa ken ta partido, no ta dispone
di ningun asiento pa por bin na remarke. Sr. Bikker a haya asiento den PDR, y no den

Por; Señora Marisol Lopez-Tromp a haya su asiento como independiente, no como
Por.Partido Por no a participa den un eleccion ainda, ta apenas na December pasa e
acta a worde pasa, y segun Sr. Henriquez, Partido Por no ta ni inscribi den Camara di

Comercio. Den website di Kvk por wak cu Partido Por no a entrega nan plan di maneho,
pero si a worde exigi di tur otro partido pa entrega un plan di maneho, pa asina worde
considera pa participa den debate. El a expresa cu esaki ta claramente, na momento cu
un instituto cu mester ta imparcial y mester percura pa comercio y economia por
florece, nan ta hunga wega politico. Esaki ta caba completamente cu credibilidad di

Camara di Comercio.Sr. Henriquez a bisa cu ta hopi conveniente pa bisa cu ta trata di
un confusion di comision di Camara di Comercio, pasobra desde cu nan mester a