Page 13 - MIN ARENDS 7 APRIL 2017

worde considera di biaha pa participa den debate, Partido Por, sin importa ken ta
partido, no ta dispone di ningun asiento pa por bin na remarke. Sr. Bikker a haya
asiento den PDR, y no den Por; Señora Marisol Lopez-Tromp a haya su asiento como
independiente, no como Por.

Partido Por no a participa den un eleccion ainda, ta apenas na December pasa e acta a
worde pasa, y segun Sr. Henriquez, Partido Por no ta ni inscribi den Camara di
Comercio. Den website di Kvk por wak cu Partido Por no a entrega nan plan di maneho,

pero si a worde exigi di tur otro partido pa entrega un plan di maneho, pa asina worde
considera pa participa den debate. El a expresa cu esaki ta claramente, na momento cu
un instituto cu mester ta imparcial y mester percura pa comercio y economia por
florece, nan ta hunga wega politico. Esaki ta caba completamente cu credibilidad di

Camara di Comercio.

Sr. Henriquez a bisa cu ta hopi conveniente pa bisa cu ta trata di un confusion di
comision di Camara di Comercio, pasobra desde cu nan mester a responde nan Kvk pa

entrega nan plan di maneho y documentacionnan, nan tabata al tanto di e situacion y
awo nan ta pretende cu ta trata di un confusion. Ta ora cu Partido Mas a para riba cu si
nan no rectifica e situacion, nan lo denuncia esaki den prensa y pone presion riba nan.
No por tin confusion den un plan cu tin hopi tempo ta worde organiza caba.

E lider di Partido Mas a indica cu nan lo participa den e debate.