Page 9 - MIN ARENDS 7 APRIL 2017
P. 9
Holmo Henriquez di MAS mustrando cu
Arubianonan no ta ciudadanonan di segundo
clase
ORANJESTAD (AAN): Durante un conferencia di prensa, Sr. Holmo Henriquez, lider di
Partido Mas a papia riba un bishita cu el a haci, hunto cu candidato di su partido, Sr.
Norman Kuiperi na Hulanda, na unda nan a reuni cu funcionarionan di Ministerio di
Relacionnan di Reino y Tweede Kamerlid, cu nan ta considera cu tabata hopi fructifero,
caminda Hulanda a reconoce falta di responsabilidad riba maneho di pais Aruba.
Pero tambe nan a bay di acuerdo cu nan, pa asisti y coopera cu Partido Mas pa drecha
situacion economico na Aruba.
Segun Sr. Henriquez, pa varios decada caba, gobierno tras di gobierno, tur a contribui
na haci debe di Aruba mas grandi, y a yega na un punto cu nos no por mas, pasobra si
economia sigui riba rumbo aki, esaki lo causa un caos financiero y Aruba lo perde
Status Aparte.
Cu cooperacion di Hulanda, Partido Mas a haci entrega di nan plan di maneho, plan
economico y financiero, y funcionarionan Hulandes a tuma esaki hopi na serio, pasobra
ta trata di un plan realistico cu por bay dilanti cune. Cu por trece y lo trece mehoracion
den maneho di pais, pero tambe trece mehoracion den finanzas publico.
Sr. Henriquez a indica cu si Aruba sigui den e rumbo aki, y nan no ta kere cu CFT
tabata efectivo suficiente, ora ta trata di un begroting, cu mester a worde trata dos of
