Page 15 - WEB
P. 15
organisacion etc. Ta manda via mail, messenger, facebook, Twitter o cualkier otro red social, un
mensahe di motivacion cu e lema internacional:“Hende activo, hende feliz”, cu ta urgi tur hende pa
cumpli cu e recomendacion pa realisa 30 minuut di actividad fisico tur dia. Ta importante pa tur
miembro di famia, amigo y colega forward e mensahe y p’asina e yega na mas tanto hende posibel. E
mensahe lo bay na nivel mundial den e registro mundial di Actividad Fisico cu lo ta:
http://www.celafiscs.on.com.br/waw/indez.asp (poniendo nomber, pais y e distancia cu un hende of
un grupo a cana/core.
Ademas durante dia ta pidi tur uzado di whatsapp pa cambia nan potret di profile pa un logo di Dia
Mundial di Actividad Fisico y ta pidi pa colga poster, banner y te hasta pon’e como e background di
computer na scol, luga publico etc.
9) Pausa activo special
Aki nos ta sugeri pa ofrece e instancianan y departamentonan di gobierno un pauze activo special pa
permiti nan manda e mensahe di un bida activo.
10) Conferencia internacional
Conexion via e Universidad Nacional de Tres de Febrero- Argentina, cu experto mundial.
Diasabra 6 di april
11) Dia di SALUD
E meta: duna les nobo y pret cu no mester nada adicional. Incentiva e pueblo en general pa haci
diferente tipo di actividad fisico.
Cronograma:
16:00 Poundus Corp: ta nifica traha cu e peso di bo curpa y riba vloer. Ta desaroya forsa, flexibilidad
y un conexion mental cu naturalesa.
16:30 Aero Local: Esaki ta un evento di aerobics low impact. E ta combina cu ehercicio local cu ta
yuda mehora e resistencia aerobico y di musculo.
17:00 Cardio Power: ta uza diferente ehercicio intenso pa entrena e resistencia di e curason cu lo
mehora e estado fisico general.
17:00 Zumba: klas di zumba cu baile facil pa kima caloria na un manera pret.
18:00 Clausura cu algun palabra tocante e beneficionan medico di e actividad fisico.
Diadomingo dia 7 april
12) Evento rond di e pais
Den cada bario tin actividad di fin di siman, manera por ehempel den sala tin volley, basket, futbol cu
un banner of bandera grandi cu e lema Dia Mundial di Salud y Actividad Fisico y cu tip saludabel via
e ekipo di zonido.
