Page 11 - WEB

Asina tambe nos ta pidi boso comparti e mensahe aki riba Facebook of otro medio di comunicacion
of via un hashtag…
Di otro banda nos ta spera di por conta cu boso participacion y ta pidi pa cambia bo potret di profile

pa e logo di ‘Dia Mundial di Actividad Fisico’, p’asina manda e mensahe rond mundo.

Orientacion di tema pa Ciclo di charla (durante siman mester confirma dia y ora)
Esakinan lo ta na luganan confirma, manera scol, universidad, centro di bario etc..

3) Organisacion activo y saludabel:
Enfoke di comunicacion:
Manda video via e-mail pa tur mandatario y departamento di gobierno, pa conscientisa e importancia

pa e salud, pa haci actividad fisico periodicamente y tambe e riesgo pa e salud di keda mas cu dos of
3 ora sinta.

Diamars 2 di april

4) Organisacion educativo
Ta sugeri pa durante transcurso di siman bay tur instancia educativo pa duna charla na diferente nivel
tocante e beneficionan di mantene un bida saludabel y activo. Durante e dianan aki por haci algun

actividad como ehempel pa e desaroyo efectivo na cada institucion/organisacion riba diferente nivel.
Nivel preparatorio y basico:
Wega pa e motoriek

Ta propone pa, como ehempel, un wega di hinkel mara na comemento di fruta y berdura como
Actividad Fisico, pa promove un bida saludabel y activo.
Ta importante pa despues di duna un splicacion di e wega, un adulto cera e wega cu algun

comentario of pensamento di e muchanan mes. Esey ta permiti e grupo papia di nan rutinanan y
experencianan. Ta e momento oportuno pa duna e mensahe tocante e beneficionan pa e salud di un
bida activo pa medio di wega.

Finalmente ta valioso tambe pa e grupo di mucha mes elabora riba algun wega parecido na esun
prome. Kiermen, pa e docente ta flexibel den e rolnan y permiti pa e muchanan mes crea mensahe
nobo tocante haci Actividad Fisico desde chikito.

Wega (Recreo) activo y saludabel
Durante pauze di tur scol of organisacion educativo, e adultonan encarga pa wak pa e muchanan por

haci wega di ‘nos welonan’, manera bula cabuya, hunga pele, ban ban pasa un rondo etc, preparando
un wega diferente cada dia di siman. Tambe por pidi cada participante pa trece un fruta y asina traha
un salada di fruta pa parti como parti di desayuno of pa merdia.