Page 12 - WEB
P. 12
Tambe ta sugeri pa invita experto di baile of di ballet pa bin tene charla, cu por ta henter e temporada
di scol un dia pa siman. Esaki ta sin duda un forma diferente di Actividad Fisico cu por yuda e mucha
di mas chikito hacie den un forma di wega.
Caminata pa salud
Tur scol of instancia educativo lo organisa un caminata pa salud dia 6 di april y esaki lo ta pa core of
cana un distancia cu e famia y lo parti fruta y awa pa tur participante na final di e careda. Esaki ta un
bon forma pa comparti cu amigo y famia riba conscientisacion di custumber saludabel.
Scol Basico y Avansa
Traha Poster
Manda algun tarea pa e docentenan pa organisa tayer durante un siman pa traha poster tocante
humamento y bebemento di alcohol incluyendo Actividad Fisico como e herment principal.
Dia 1: Prome Tayer
Teniendo na cuenta cu ta trata pa haya idea pa un tema particular ta propone ‘brainstorm’ tocante
idea pa un Bida Saludabel.
Asina tambe ta enfoca y reflexiona riba e daño cu humamento ta haci na e salud.
Dia 2: Di dos dia di e tayer
Ya cu ta trata di un trabou den grupo ta propone bin cu un articulo di corant of articulo cientifico cu
ta duna dato y estadistica pa reflexiona riba e beneficionan pa e salud di un bida activo.
Dia 3: Di tres dia di tayer
Ya cu ta trata di resumi, ta propone pa reflexiona riba e 2 puntonan fundamental cu a trata durante e
dos dianan:
a) E beneficio di no huma ni bebe, sigur den e hobennan y
b) Con pa logra esey door di haci algun tipo di actividad fisico.
Dia 4: Di cuater dia di tayer
Asumiendo cu ta trata di crea un mensahe pa hopi hende ta propone traha un poster cu ta papia di e
beneficionan di no huma incluyendo hacimento di actividad fisico como herment principal.
Dia 5: Final
Ta sugeri pone e produccionnan (poster/pintura) na luga hopi bishita den e mesun scol pa celebra e
organisacion di actividad durante e siman di Salud y Actividad Fisico.
Nivel di universidad
Durante e añanan anterior algun instituto educativo di nivel cu a colabora y participa na e ‘Dia
Mundial di Actividad Fisico’, a opta pa fortalece e red di Universidad Saludabel y Activo y pa
conscientisa e personal, docente y studiante di importancia di realisa actividad fisico di un manera
