Page 24 - AWEMAINTA
P. 24
24 AWEMainta Diabierna, 5 October 2018
Durante Aruba Art Fair e weekend aki
Lansamento oficial di e pelicula cortico ‘Otro Bista’
Proyecto presenta pa Aruba Tourism Authority y e talento local Mario Gonsalves
FIN di e siman aki lo tuma lugar e di 3 edi-
cion di Aruba Art Fair. Durante e evento aki lo
lansa e pelicula cortico ‘Otro Bista’.
“Otro Bista” ta un pelicula cortico di Mario
Gonsalves, y lo hiba bo riba un aventura visual
cu ta inspira pa experencia nos isla for di e per-
spectiva di nos comunidad local. Pues ideal pa
nos bishitantenan actual of futuro bishitante.
Ronella Tjin Asjoe-Croes – CEO di Aruba
Tourism Authority ta elabora: “E pelicula aki
ta brinda bishitantenan un impresion mas am-
plio di kico un vacacion na Aruba por nifica
pa nan, fuera di Aruba su playanan, clima y
amabilidad.
E produccion aki lo mustra diferente mercado
rond mundo (Aruba ta wordo promovi den
casi 20 diferente mercado) kico mas Aruba por
ofrece.
‘Otro Bista di Aruba’, cu ta loke mas y mas di
nos bishitantenan kier experencia entre otro di
nos destinacion.”
E pelicula cortico ta inclui e.o. musica, wega
di domino, piscamento, y exploracion n’e parti
nort di nos costa, cual ta djis un par di e cos-
nan cu nos localnan gusta haci riba nos isla. E
enfoke den e pelicula cortico ta riba nos hen-
denan, nos cultura , idioma, arte etc.
Marylin Feliciana – Branding Specialist na
A.T.A. a nota cu: “Por medio di e pelicula
aki por wak un otro banda di nos isla cu no
t’e banda turistico, pero e banda autentico di
Aruba.”
Mario Gonsalves a conta con el a yega n’e
inspiracion pa traha ‘Otro bista’: “Creciendo
como cualkier otro hoben, explorando e bario
cu mi amigonan, hungando futbol riba caya
tur atardi cu mi primonan y siendo lanta pa
un famia disciplina, a brinda mi un aprecio p’e
ambiente cu mi a wordo lanta aden. Semper
mi tabata fascina pa arte visual y asina mi a di-
cidi di conta e storia por medio di un pelicula
cortico.”
‘Otro Bista’ lo wordo lansa awe diabierna, du-
rante apertura oficial di Aruba Art Fair y esnan
interesa por aprecia e pelicula e weekend aki.
