Page 172 - רב סעדיה גאון בלאו יהלום
P. 172
| 170ספר תיקון טעויות
ק 6א ע"ב
בשם המלמד להועיל
כתאב אסתדראך אלסהו אלמוגוד פי כתב ראס אלמתיבה [אלפיומי]
רצ'י אללה ענה תאליף מבשר הלוי בר נסי אלמערוף ב[אבן ענאבא]
אבתדא מולפה באן קאל אלחמד ללה אלואחד אלקדים [אלעלים]
אלחכים אלגני ען אלאסתעלאם ואלתפהם ולא יגוז עליה אלט'ן [ואלתוהם]
אלדי מן עלינא באלעקל ואלמערפה לתכון נפוסנא במנאפעהא 5
עארפה .פנחמדה עלי דלך חמד אלשאכרין אלדין הם מן חמ[דה גיר]
מפתרין ונסלה אן יופקנא אלי טעאתה ואן יכשף לנא גואמץ ש[ריעתה]
כקול וליה על' אלס' גל עיני ואביטה נפלאות מתורתך[ .אמא]
בעד פאן אלנט'ר פי אמר אלדיאנאת ואלבחת ענהא יגרי מגרי אלנ[קד]
10ללדראהם ואלמחך אלדי בה יתבין אלגיד מן אלרדי .פכמא אן [מן]
טרח אלנקד או אלמחך פי קבצ'ה אלדראהם לא יאמן אן יכון פי מא
יקבצ'ה בהרג'א כדאך מן אטרח אלבחת ואלנט'ר פי אמר דינה
ומאל אלי אלתקליד לא יאמן אן יכון בעץ' מא קלד פיה באטלא וקד
שבה אלחכים על' אלס' טלב אלחכמה בטלב אלפצ'ה פקאל אם תבקשנה
15ככסף וכמטמונים תחפשנה .אז תבין יראת י'י' ודעת אלהים
תמצא אראד בהד'א אן לא נגזף פי באבהא בל ננתקדהא
כמא ננתקד אלדראהם ונפתש אן אסרארהא כמא יפתש ען אלכנוז
חיניד נפהם טאעה אללה פדל הדא אלקול עלי וגוב אלבחת ואל נט'ר
[]- - - - - - - - - - - - - - - - - - - - - - - - - - - - - - - - - 
