Page 16 - Candu Pena

pratandha lampu wus werna ijo. Bocah wadon kuwi

ambegan landhung ana sapinggiring dalan.

Sumi mlaku ing sapinggiraning dalan banjur

menyang warung sing dumunung ing sakidule prapatan

lampu bangjo saperlu ngayup saka udan. Pisan pindho

tangane Sumi ngusap banyu ing praupane sing keno

cipratane udan. Sumi nyawang sliweraning mobil ing

dalan. Jroning batin Sumi “Ya Allah, dinten niki koran

kula setunggal mawon dereng pajeng”, sambate Sumi.

Wektu wus nuduhake tabuh 16.00, pratandha

wektu sore wus dumugi. Sore kuwi udan uga isih gerimis.

Sumi uga isih ana ing warung sing lagi tutup kasebut.

Sumi nyelehake tangan ana ing padharane kang wiwit

luwe. Dumadakan mobil mandheg ana ing sangarepe

Sumi, ana bapak-bapak kanthi pasuryan kebak rasa

mangkel metu saka mobil menyang pawuhan (panggon

sampah).

5