Page 166 - Candu Pena
P. 166
Banjur Alif bali mulih lan mangan sega kang wus
diolah dheweke dhewe. Dumadakan Alif kaget marang
sega kang wus digawe kuwi. Pranyata sega kasebut krasa
enak banget.
“hla ya..., tangan iki jarang digawe masak sega
goreng kok ya asile kok penak banget ya, beda karo
pakaryanku ing bagean teknik mesin iki. Saben dina dak
candak kok ya ora ana sing maremake ati. Apa ya aku
dadi tukang masak wae tinimbang dadi tukang mesin”,
Alif grudel dhewe.
Alif krasa bingung kudu pakaryan apa. Alif
nglamar ing pabrik-pabrik, buka bengkel cilik-cilikan
nanging ora ana sing maremake ati. Pabrik ora ana sing
buka lowongan ing bagean teknik mesin. Buka bengkel
ana ing omah nanging usaha kasebut sepi. Alif saya
frustasi marang kahanane.
155