Page 91 - Candu Pena

Sawise rampung sarapan, Elmira arep pamitan

marang Ibuke kanggo budhal sekolah. “kula bidhal nggih

buk, Assalamualaikum”, pamit Elmira sinambi ngambung

tangan Ibuke. “nggih, ati-ati nduk” wangsulane Ibu.

15 menit laku menyang sekolah, bapak lan Elmira

teka ana ing sekolah. Elmira pamitan marang Bapake

“kula bidhal nggih pak, njenengan atos-atos nitih

sepedha”, ujare Elmira sinambi ngambung tangan

Bapake. “nggih, sekolah sing pinter nduk..”

wangsulaneBapak karo ngelus sirahe Elmira. Sawise

tekan ing kelas Elmira uga srawung kanca rakete.

“sugeng enjing Al” srawung Elmira marang kanca rakete

Alya. “enjing Ra, eh dina iki awak dhewe ana upacara ya”,

jare Alya menehi Elmira. “oh iya ana upacara ya”,

wangsulane Elmira kaget. “hayo gawa topi ora”, omonge

Alya karo medhen-medheni Elmira. “gawa lah, aku kan

mesti gawa”, wangsulaneElmira. “siyap siyap, ya wis ayo

80 Fatimatuz Z. lan Siswa MTsN 1 Sidoarjo