Page 4 - Слайд 1
P. 4
Кычкина Галина Федотовна,
оскуола музейын салайааччыта,
Матта, 2015с.
Үйэлэргэ өлбөөдүйбэт
Аҕа дойдуну көмүскүүр Улуу сэриигэ Мөҥүрүөн нэһилиэгиттэн
90 киһи бэбиэскэ тутан барбыта. Олортон 46 буойун сэрии
толоонугар охтубута, 44 кыайыы көтөллөөх дойдуларыгар
эргиллибиттэрэ. Үлэ фронугар 23 киһи сылдьыбыта.
Сэрии бастакы, 1941 сылыгар ыҥырыллыбыттара: Гоголев
Роман Дмитриевич, Кычкин Петр Иванович, Кычкин Савва
Петрович, Кычкин Семен Константинович, Кычкин Семен
Михайлович, Кудинов Семен Васильевич, Марков Иван
Степанович, Трифонов Гаврил Егорович, Марков Михаил
Егорович, Харитонов Иван Васильевич. Кинилэр бары
дойдуларыттан ыраах, атын сир халлаанын анныгар, күн
сириттэн матан, харахтарын симпиттэрэ. Биллэн туран, үгүс
киһи өлүүтэ-сүтүүтэ бастакы икки сылга тахсыбыта. Чугуйуу,
төгүрүктээһиҥҥэ түбэһии элбэх сиэртибэҕэ тэппитэ.
Уодаһыннаах уһун сэрии нэһилиэк туруу дьонун мэҥиэстибитэ.
