Page 8 - Слайд 1
P. 8
Сэрии, тыыл бэтэрээннэрин ааттара
өрөспүүбүлүкэтээҕи “Память” кинигэҕэ, улуус, сопхуос
анал таһаарыы кинигэлэригэр бойобуой суоллара
суруйуллан үйэтитилиннэ. Хаан-уруу аймахтарынан
саллааттарга анаан элбэх кинигэ таҕыста. 2015с.
“Кыайыыны уһансыбыт Ытык ийэлэр” диэн кинигэ
тахсыбыта. Кинигэҕэ өрөспүүбүлүкэ араас
улуустарыттан, нэһилиэктэриттэн үстэн элбэх
уолаттарын сэриигэ атаарбыт ийэлэр уонна кинилэр
уолаттарын туһунан ыстатыйалар киирбиттэрэ. Биһиги
нэһилиэктэн Кычкина (Слепцова) Мария Федоровна
(с.78), Скрябина (Захарова) Дария Ивановна (с.160)
кинигэҕэ киирбиттэрэ. Кычкина Мария Федоровна
уонна уолаттара Иван Константинович, Николай
Константинович, Семен Константинович; Захарова
Дария Ивановна уонна уолаттара Дмитрий
Прокопьевич, Прокопий Прокопьевич, Константин
Прокопьевич үйэ саас тухары ааттара киирбиттэрэ.
