Page 9 - Слайд 1

Захарова Татьяна Ивановна үс уолаттарын Александр

Петровиһы, Дмитрий Александровиһы, Петр

Александровиһы сэриигэ атаарбыт, үһүөн сэрии

толоонугар хаалбыттара. Татьяна Ивановна сиэнэ Егор

Александрович Захаров олох сирдэригэр Бэһэргэ

өйдөбүнньүк памятнигы туруорбута.

Икки атахтаах бу орто дойдуга баарын тухары Аҕа дойду

сэриитин алдьархайа, дьоҥҥо-сэргэҕэ аҕалбыт муҥа-

соро, эрэйэ-кыһалҕата, тугунан да толуйуллубат өлүүтэ-

сүтүүтэ умнуллуо суоҕа. Норуот көҥүлгэ, дьолго-соргуга,

сырдыкка-үрдүккэ дьулуһан охсуспут охсуһуута, тохтубут

хаана умнуллуон, сиргэ буорга тэпсиллиэн табыллыбат.

Хайа баҕарар норуот бэйэтин дьоруойдарын өрүү

умнубакка өйдүүр, үтүө холобур оҥостон кинилэр

ааттарыгар сүгүрүйэр, хорсун быһыыларыгар

ытыктабылы иитэр эрэ буоллаҕына олох ситимэ

быстыбакка көлүөнэттэн көлүөнэҕэ бэриллэн салҕанан

бара туруоҕа.