Page 60 - Слайд 1

Мин Дьонум сэрии кэмигэр

(Харитонова Люба, 7 кылаас)

Мин эбээм, Харитонова Варвара Николаевна, сарсыарда
аайы 5 чааска туран ынахтарын ыыра. Уонна кыргыттарын

Вераны, Варяны илдьэ тахсара. Оннук 35 сыл үлэлээбитэ.
1942 с 14 саастааҕар бастакы ыанньыксыттыыр үлэтэ
саҕаламмыта. Сэттэ кылаастаах оскуоланы 4 кылааһын
бүтэрбитэ.

Ийэтэ эбээм балтараа саастааҕар өлбүтэ, онтон аҕата
1942с сэриигэ ыҥырыллыбыта. Аҕата бараары туран:
“Оҕом сыыһа үчүгэйдик сырыт, мин сотору эргиллэн
кэлиэм,” – диэбитэ. Эбээм күһүн оскуолаҕа барбакка
фермаҕа үлэлии барбыта. Аһыыр аһын, таҥнар таҥаһын

бэйэтэ булунара. Кыайыы кэнниттэн дьоннор кэлбиттэрэ.
Эбээм аҕата кэлбэтэҕэ. “Баҕар мин да аҕам кэлиэ,” – диэн
бэйэтин уоскутунара.

20 сааһыгар Харитонов Константин Николаевичка
кэргэн тахсыбыта. Элбэх оҕоломмута.

1976с общественнай сүөһү кыстыгар “Тумуһах” фермата
оройуоҥҥа иккис миэстэ буолан, кэлээскэлээх
мотоциклынан наҕараадаламмыта. Эбээм хас да мэтээллээх,
Коммунистическай үлэ ударнига, “Социалистическай
куоталаһыы кыайыылааҕа” знактаах, Чекист Петров
аатынан бириис лауреата буолар.