Page 106 - ТОЛИПОВА БАХТИГУЛ МОНОГРАФИЯ

олганда, стратегик мақсадларга эришишда муҳим рол ўйнай-
диган инвестиция фаолиятига экологик ва иқтисодий тизим-
нинг ҳолати таъсир кўрсатади.
Ҳозирги кунда корхоналарнинг атроф-муҳитни муҳофаза
қилиш учун масъулиятини оширишда қўлланилаётган усул-
лари исталган натижани бермаяпти. Инвестиция лойиҳалари-
нинг самарадорлигини баҳолашда экологик омилларни етарли
даражада ҳисобга олмаслигининг қуйидаги сабабларини аж-
ратиб кўрсатиш мумкин:
– атроф-муҳитга таъсир этувчи омилларнинг хилма-хилли-
ги сабабли уларни аниқлашнинг мураккаблиги;
– инвестиция лойиҳаларининг самарадорлигини комплекс
баҳолаш имконини берадиган методикаларнинг йўқлиги;
– атроф-муҳитга келтириладиган зарарни қоплашда ўзаро
муносабатларнинг суст институционаллашувидир.
Юқоридаги ҳолатлар инвестиция лойиҳаларини эколо-
гик ва иқтисодий баҳолаш усулларини ишлаб чиқиш за-
рурлигини белгилайди. Бундай баҳолаш экологик муҳитга
таъсирнинг оқибатларини пул қиймати билан ҳисоблаш ор-
қали лойиҳанинг самарадорлигини аниқлаш ва уни амалга
оширишнинг мақсадга мувофиқлиги ҳамда хулоса чиқариш
имконини беради. Бундай методикадан фойдаланиб, лойи-
ҳаларнинг экологик-иқтисодий самарадорликни баҳолаш
ва улар ўртасидаги устувор масалаларни аниқлаш имкони
яратилади.
Мамлакатимизда озиқ-овқат маҳсулотлари ишлаб чиқарув-
чи корхоналар томонидан ишлаб чиқариладиган аҳоли эҳтиё-
жи учун энг муҳимларига эътибор қаратадиган бўлсак, нон ва
нон маҳсулотларини етиштириш талабни инобатга олган ҳол-
да юқори кўрсаткичларга эга.

106 Толипова Бахтигул Фарходовна