Page 68 - ТОЛИПОВА БАХТИГУЛ МОНОГРАФИЯ

2.2. Мамлакатда инвестицияларни
молиялаштириш манбалари ва уларнинг таҳлили

Мамлакат иқтисодиётининг муваффақиятли ривожланиши-
нинг асосий шарти юқори инвестицион фаоллик бўлиб ҳисоб-
ланади. Мазкур шартга эришиш учун инвестицион ресурслар
ҳажмини кўпайтириш ва улардан моддий ишлаб чиқариш
ҳамда ижтимоий соҳанинг устувор йўналишларида самарали
фойдаланиш ҳисобига эришилади. Инвестициялар ишлаб чи-
қариш потенциалини янги илмий-техник асосда шаклланти-
ради ва мамлакатларнинг жаҳон бозоридаги рақобатдош мав-
қеини белгилайди.
Хорижий инвестицияларни иқтисодий ва ижтимоий қийин-
чиликлардан чиқиб келган давлатлар учун тўғридан-тўғри,
портфель ва бошқа активлар кўринишида жалб этиш муҳим
роль ўйнайди. Инвестицияларнинг ўрни макродаражада ҳам,
микро даражада ҳам муҳим ҳисобланади. Аслини олганда,
улар бутун мамлакатнинг, алоҳида хўжалик юритувчи субъ-
ектларнинг келажагини белгилайди ва иқтисодиёт ривожла-
нишида етакчи омил бўлиб ҳисобланади.
Ўзбекистон Республикасида инвестицион фаолликни оши-
риш учун молиявий манбалар ва улардан фойдаланиш имко-
ниятларини излаш ҳукумат олдида турган долзарб ва устувор
вазифалардан бири ҳисобланади. Бу авваламбор, мамлакатни
иқтисодий ривожланиши, яъни зарар кўриб ишлаётган корхо-
наларни тиклаш, уларни соғломлаштириш, қайта йўналтириш
ҳамда миллий иқтисодиётнинг барқарор тармоқларини янада
такомиллаштириш билан боғлиқ.
Маълумки, ҳар қандай тинч мамлакатнинг бозори инвестор-
ларнинг диққат марказида туради. Бироқ мамлакатнинг инвес-
тицион жозибадорлиги инвесторлар учун муҳим омил бўлиб

68 Толипова Бахтигул Фарходовна