Page 73 - alice-kbd_text.qxp_9781904808169_text
P. 73
Х Ь Э МБ Ы Л У Щ ХЪ УА НТӀ Э М И Ч Э НДЖ Э Щ
«Хьэуэ!» аргуэру пиупщӏащ Шыгъыныхьым.
«Фи дежкӏэ абыхэм гъэщӏэгъуэн хэмылъ щхьэкӏэ, си фэм
срегъэпщӏэнтӏыхь сэ…»
«Сэ—жыпӏа?» ӏумпэм ищӏурэ жиӏащ Щыгъыныхьым. «Ухэт уэ
езыр?»
«Фӏэхъус, дыкъынэсыжащ!» егупсысащ Алисэ. Пэжу жыпӏэмэ
Алисэ и шыӏэныгъэр иухауэ къилъыну хьэзырыбзэт. «Зыщӏисыр
сыт?—Ауи моуи зи жьэм хьэкъурт жьэдэлъ хьэмбылукъэ?».
«Псом япэ, уэ узищӏысыр къызжэпӏамэ нэхъыфӏт!» жери Алисэ
и щхьэр лъагэу иӏэтащ.
«Ар сытым щхьэкӏэ?» жэуап къритыжащ Щыгъыныхьым.
Зыпэмыплъа упщӏэм пщащэр апхуэдизу и акъылым трихуати,
Хьэмбылу щхъуантӏэм къепсэлъэну гукъыдэж лъэпкъ имыӏэу
игъэуври, зызэпигъазэри ежьэжащ Алисэ.
«Къэгъазэ!» кӏэлъыгуоуащ хьэмбылур пщащэм. «Хъыбарыщӏэ
гъэщӏэгъуэн пхузиӏэщ!»
Ар щызэхихым Алисэ, фӏэгъэщӏэгъуэн хъури, кӏэщӏу къигъэ -
зэжащ.
«Уи фэм укъимыпкӏ!» къыжьэдэкӏащ Щыгъыныхьым.
«Ара жыпӏэнур?» еупщӏащ пщащэ къызэщӏэплъар.
«Аракъым,» жиӏащ Щыгъыныхьым.
«Дэгъуэ, хуитщ,» егупсысащ Алисэ, «сежьэн, тӏум щыгъуэкӏи
зыщӏыпӏи сыгузавэкъам, зэ мыхъуми зыгуэр къыжьэдэкӏынкъэ.»
Хьэмбылум куэдрэ (дакъикъитхукӏэ!)—зыри къыжэдэкӏакъым
ӏугъуэ мыхъумэ, ауэ икӏэм икӏэжым, лулэр и жьэм къыжьэдихри,
жиӏащ: «Даурэ уегупсысрэ, уэ иджы нэгъуэщӏ гуэр ухъуа?»
«Аращ, атӏэ!» жиӏащ Алисэ. «Зэ ин сохъу, зэ цӏыкӏу сохъури
тэрэзу зыри къысхуэгупсысыжкъым.»
«Сыт тэрэзу къыпхуэмыгупсысыжыр?» къеупщӏащ Щыгъыны -
хьыр.
«Зыри! Усэхэри яхэтыжу!» къэгъын хуэдэу жиӏащ Алисэ. «Сэ
„Бжьэ Лэжьэрей“ жэуэ зи фӏэщыгъэцӏэ усэм сыкъеджэну сыхуе -
яти, мыхьэнэншэ гуэр къызжьэдэкӏащ!»
47
