Page 87 - Thukul Ing Lemah Nela

Thukul ing Lemah Nela

sapa. Nanging sing genah ana sing weruh kari lar
merak saler sing ana ing senthong tengah.
Nanging apa gandheng cenenge lar merak karo
kedadeyan karo sing dialami dening Yu Prenjak. Karo
nyawang irenge aspal sing diambah rodhane montor
aku nyoba ngguwak pangira marang bab kang ora
mokal kanggoku. Nanging sawise tekan crita bab lar
merak angel banget daklalekake.
Kanggo ngguwak rasa sing ngganjel neng ati,
anakku sing cilik dakajak neng omahe Yu Prenjak.
Grapyak sumeh kaya biasane, dheweke gage cethik
geni kanggo nggodhog banyu. Rodhong isi roti bolu
disuguhake, anakku dilungi siji lan banjur digendhong
jarik ing gegere.
“Anakmu suk bada mulih apa ora, Yu?” kandhaku
karo njupuk roti bolu.
“Anak sing endi?” wangsulane nggawe kagetku.
Yu Prenjak banjur crita yen anake sing mbarep
pancen diarep-arep, nanging sing ragil mulih utawa ora
dheweke ora mikir. Paribasan kali kelangan sungapan,
ora nggagas, mulih utawa ora wis ora ana bedane. Jare
wis ana rong mbada anake ragil ora mulih, jare sibuk
karo gawean kantor. Dikabari yen dheweke bar kena
alangan, kon bali sedhela ora isa. Beda sing mbarep,
sesuke wis njedhul neng omah.
Kamangka ya padha-padha ngayahi pegawean.
Sing mbarep isa mulih geneya sing ragil ora isa. Bocah
kok tega neng mboke, apa ora kelingan yen mboke
saiki kenek dengkek nggedhekake dheweke. Entuke
gawean biyen sapa sing mbandhani. Ketok banget
praupane Yu Prenjak mangar-mangar ngempet panan-
dhang marang anake sing ragil. Ngono panguwuhe
karo ngladekake kopi neng ngarepku.

79 | Lar