Page 86 - Thukul Ing Lemah Nela

Thukul ing Lemah Nela

dening aparat kanggo golek sisik melike bab sing ana
gandheng-cenenge karo kedadean iki.
Ya merga anane kedadean ing omahe Yu Prenjak
kuwi, nganti wektu iki tansah dadi pitakonane wong
akeh, kalebu aku. Pihak aparat uga ora bisa mungkasi
gawe. Rafia abang uga isih ana ing kantor pulisi
minangka barang bukti lan uga barang bisu. Yu
Prenjak dhewe yen ditakoni pancet wangsulane jare ora
ngerti apa-apa, ora eling. Kamangka kedadean iku
kanggoku lan wong-wong liyane banget nggegirisi lan
nyujanani banget, awit yen weruh nalika Yu Prenjak
diuger tangan lan sikile, diglethakake ing jogan, lan
sumpelan gombal ing cangkeme. Wis genah yen ora
enggal konangan sida lunga nyawane.
Seminggu sawise kedadean iku, dheweke wis ora
kelingan lan bisa uga ora ngeling-eling maneh. Esuk
budhal dodolan neng pasar, sore tekan omah leren
sedhela banjur nyapu latar. Lan ajeg mesthi saben liwat
ngarep omah mesthi celuk-celuk anakku sing ragil lan
menehi jajan pasar. Mung bedane sawise menehi jajan
langsung bali ora kaya adat saben, lungguhan nggaoce
karo mboke cah-cah.
“Ora leren sik, Yu,” kandhaku mbidhung api
rowang.
Aku banjur kelingan critane Pak Marmot telung
dina kepungkur. Nalika budhal arep nukokake sepatu
kanggo anakku, ngepasi bareng sacolt karo Pak
Marmot. Dheweke crita yen Yu Prenjak iku nduwe lar
merak tinggalane sing lanang. Pancen bojone Yu
Prenjak iku biyene tukang reyog sing kondhang.
Sawise bojone mati reyog gedhene meh telung meter
iku ora ana sing weruh, isih disimpen apa diwenehake

Supriyoko | 78