Page 41 - THUKUL JADI_Neat

Thukul ing Lemah Nela

Bengine pas jaga neng cakruk, njelalah barenge
karo kakange ipe. Disuntak sumpege ati neng kakange.
Najan iki ora ateges mbeber wirang, nanging kanggone
Kanciludin genthong sanggan iki supaya rada lokak.
“Anggepen donya iki ora sagodhong kelor?”
kandhane ipene.
“Aku ora nggagas ngono kuwi kang.”
Wong loro ngobrol ngalor ngidul karo udud se-
dhal-sedhul. Najan mung wong loro nanging jan
gayeng olehe rembugan. Rembug bab sanggane urip
leren, ganti rembug kahanan liya. Sing dirembug wiwit
rasane kopi neng warunge Mbah Kebo nganti rega
BBM sing molah-malih. Artis kejlungup karire merga
narkoba, montor mabur ceblok nganti tekan Pilkada
sing arep dianakake ing kuthane. Dheweke lan kakange
ipe kaya dene pengamat, utawa politikus, nanging ya
mung pengamat lan politikus cakruk.
Ngancik meh jam rolas krungu ana sing watuk
saka wetan.
“Kae lo, Cil, Pak Dhe Welu teka.”
“Sepurane keturon,” kandhane pak dhe Welu karo
ndeleh sentolope.
“Keturon, apa keturon, Pak Dhe,” kandhane
Kanciludin karo ngguyu.
“Asli keturon! Lha karepmu piye ta Cil, mamake
ora eneng. Wis rong dina neng omahe adhine sing arep
mantu. Heh, Cil! Kene iki sapa ya sing jik nandur wit
kelor?”
“Wit apa kuwi? Gek kanggo apa?” wangsulane
Kanciludin.
“Kanggo ngetokake susuk. Mbah Marmot lara
tuwek, jarene wong tuwa dikon ngedusi karo cem-
cemane godhong kelor.”

33 | Godhong Kelor