Page 46 - THUKUL JADI_Neat

Thukul ing Lemah Nela

Ndomblong, arep ngomong apa maneh lambene
kaya-kaya gembokan. Sing wedok malah ambruk
semaput. Didhabyang diturokake neng amben. Am-
begane Kanciludin nyuwara banter kaya dene selep
mubeng sing mbrebegi kuping.
Sing wedok diraupi banyu siwur banjur melek.
Kelop-kelop kedhep arang-arang. Surat diwaca sura-
sane atur panuwun merga susuk emas sabal bekel iku
bisa metu saka bojone Ki Dara Gambir. Lan wasiate
susuk kuwi kon menehne marang dheweke. Kanciludin
lan sing wedok mung thenger-thenger, barang wujud
emas iku genah diwenehake. Nanging arep diapakake
lan piye carane. Bisane mung piya-piye!
Batine Kanciludin iki mumpung sing wedok isih
bingung marang kedadean sing lagi dialami. Cekekal
dheweke menyang pawon njupuk arit. Crak-crok crak-
crok, pang-pang godhong kelor ceblok neng lemah.
Dikumbah, diprithili godhonge diseleh neng baskom.
Lan disandhingake ing cedhake bojone. Dheweke
menyang pawon lan mbalike nggawa banyu neng
siwur.
“Niat ingsun mugi kaleksanan,”
Godhong kelor sing neng baskom dicampur karo
banyu, diulet diremet godhonge nganti ajur. Lambene
panggah ndremimil, embuh apa sing dikandhakake.
Banjur banyu baskom sing campur karo godhong kelor
kuwi digrujugne sing wedok. Banyu mlambang neng
amben ceblok tekan jogan. Mili kaya iline kali kang
ngilekake apa wae kang ngalang-alangi.

dQD

Supriyoko | 38