Page 10 - Ветераны

ШЕСТАКОВА МАРИЯ НИКОЛАЕВНА

Тохсунньу ый 28 күнүгэр 1926 сыллаахха Уус-Алдан улууһун 2 Бэрт ууһун нэһилиэгэр
төрөөбүтэ. Кини тыылга үлэлээбитин туһунан бу курдук кэпсиирэ: «Бастаан ЧТЗ мааркалаах
тракторга моховигар луому олуйа уган баран, олуйа тардан собуоттанар тракторга
үлэлээбитим. Тракторист кыргыттар бары уол оҕо курдук таҥна сылдьарбыт, биирдэ биир
кыыспыт былааччыйалаах кэлэн, былааччыйатыттан трактор вентиляторыгар эриттэрэн
атаҕын тоһуппута. Ону быспыттара. Кэлин ХТЗ диэн ручканан собуоттанар бэртээхэй
тракторга үлэлээбитим.»
Оччолорго биһиэхэ продукта карточканан биэрэллэрэ, онтукалара арыы, бурдук, саахар
диэн барыта тус- туспа суруллубут буолара. Сорох дьыл ыһыыга анаан соҕурууттан кууллаах
40 киилэ ыйааһыннаах бөдөҥ усааҥка сэлиэһинэй кэлэрэ. Мин иккилии куулу кыбына-
кыбына , маҥхааһай чөчүүгэр илдьэн сүөкүүрүм. Уопсайынан, ыһыы. Хомуур үлэтэ киһи
сыратын-сылбатын олус диэн ылара.
Аны хомуйбут бурдукпутун илиинэн эриллэр биэтиҥкэнэн ыраастыырбыт, үчүгэйин
эһиилги ыһыыга уурарбыт, куһаҕанын үс муннуктаах гречка куруппаҕа майгынныыр ,
бурдугу кытта үүнэр тарыыһаны аһылыкпытыгар анаан уурарбыт. Трактор уруулугар
олордум эрэ, төһө да бааһына, буорун, быылын аннынан истэрбин айан хоһуйар, ыллыыр
идэлээх этим.
1947 сыллаахха «Үлэ килбиэнэ» диэн Сталин төбөлөөх мэтээлинэн наҕараадаламмыта,
«Аҕа дойдуну көмүскүүр Улуу сэрии 1941-1945 сс. килбиэннээх үлэтин иһин » Сталин
мэтээлэ, «И.В.Сталин төрөөбүтэ 130 сыла» диэн мэтээл, «Маршал Жуков» Кыайыы
юбилейдаах мэтээллэрэ, «Ийэ мэтээллэрэ» 1, 2, 3 степеннэрэ, «Үлэ ветерана» мэтээл.
Эбээм Мария Николаевна сэрии бүппүтүн кэннэ Төҥүлүгэ кэлэн 1948 сыллаахха
Шестаков Гаврил Игнатьевичтыын ыал буолбуттара Эбээм аах 9 оҕоломмуттара, 28 сиэн, 38
хос сиэн, 2 хос-хос сиэн тапталлаах эбээтэ этэ. Эбээм барахсан 2010 сыллаахха күн сириттэн
барбыта.
Эбээм суолун утумнаан 4 уолаттара суоппар, тракторист идэтин баһылаан үлэлии-хамсыы
сылдьаллар. Сиэн уолаттара эмиэ бары кэриэтэ суоппар, тракторист идэлээхтэр.

Хос сиэнэ Романова Айсула 8 “б” кылаас үөрэнээччитэ