Page 5 - Ветераны

ГОГОЛЕВ АЛЕКСЕЙ АЛЕКСЕЕВИЧ

Мин хос эҺэм Гоголев Алексей Алексеевич 1906 сыллаахха I Мɵҥүрүɵн
Күрүɵлээх диэн сиригэр тɵрɵɵбүт. Кинилэр үс бииргэ тɵрɵɵбүттэр эбит. 1941
сыллаахха атырдьах ыйыгар сэриигэ ыҥырыллан барар. Чита уобалаҺыгар
Даурия станцияҕа байыаннай үɵрэххэ үɵрэтэн баран, арҕаа 1941 сыллаахха
сэтинньи ый бүтүүтэ Москва куорат анныгар ниэмэс ыган турдаҕына
тиийэллэр. 1943 сыллаахха 77-с полкаҕа 202 стрелковай девизияҕа түбэҺэн от
ыйын 5 күнүттэн Курскай Тоҕой уоттаах сэриитигэр тубэҺэр. От ыйын 15
күнүгэр кɵхсүгэр табыллан хаан-сиин буола сыттаҕына санитаардар буулдьа
быыҺынан соҺон таҺааран ɵрүҺүйбүттэрэ диэн кэпсиир эбит. Сылтан ордук
госпитальга эмтэнэн, икки тɵгүл эпэрээссийэлэнэн баран 1945 сыллаахха
дойдутугар кэлэр.
Сэрии кэнниттэн үлэ үɵҺүгэр түспүт, колхозтар холбоҺон «Молотов» колхоз
киинигэр Балыктаахха кɵҺɵн кэлбиттэр. Онно тутууга улэлээн 1961 сыллаахха
коммунистическай үлэ ударнига, элбэх грамотанан наҕараадаланар. 1967
сыллаахха бочуоттаах сынньалаҥҥа тахсыбыт.
Кини үс оҕолоох, элбэх сиэннэрдээх, хос сиэннэрдээх.
Хос эҺэм ыарахан да, дьоллоох олоҕу олорон 80 сааҺыгар ɵлбүтэ.
Наҕараадалара: Медаль «За победу над Германией ВОВ 1941-45гг»,
Юбилейный медаль «20 лет Победы ВОВ 1941-45гг», Юбилейный медаль «50
лет Вооруженных сил СССР», Юбилейный медаль «30 лет Победы ВОВ 1941-
45гг», Юбилейный медаль «60 лет Вооруженных сил СССР»,
Орден «Отечественной войны II степени».

Хос сиэнэ Гоголева Айсена 4 «а» кылаас үөрэнээччитэ