Page 16 - 129.cdr

Thengil

Wit Jomon Sugi

Paling Tuwa Sejagad

Wit Jomon Sugi -Yakushima neng Jepang klebu
wit paling tuwa sejagad. Sebab, wit kiyé
déprekirakna umuré 2.500 – 7.000 taun.

Miturut pirang-pirang téori, ngomongna
lamona umuré wit kiyé rata-rata 5.000 taun
angger dédeleng sekang bolongan lan prentulan
sing ana neng wit kiyé. Ukuran giligé
kuranglewih 16,1 méter lan dhuwuré 30 poto : istock.com
méteran.

Wit Jomon Sugi déanggep daning pendhudhuk
lokal nduwé kekuatan spiritual. Mulané wit kiyé
dédadékna simbol sekang pulau Yakushima.

Kesuh

Pak RT : “Tumini, kenangapa ko nggebugi bojoné ngosi bengep kaya kuwé?”
Tumini : “Merga tangi turu taken jam pinten teng kula, Pak RT.”
Pak RT : “Lah, kadar takon jam, bé, émosi...” Pak RT ngendika karo ngelus dada.

Tumini : “Ya, merga goli takon, siki jam pira, Dhek Ani? Sinten sing mboten
jéngkél, Pak. Ani niku sinten?!” Tumini semaur karo émosi.

Pak RT : “Ya... luput angger kaya kiyé... “ Karo gédhég-gédhég

Bébéké Mlayu

Kelas 2 SD lagi pelajaran matematika.
Guru : “Toni, njijal déétung! Bébéké Bayu neng sawah ana 10, dédikep neng

Bayu 1 lewihané gari pira?
Toni : “0 Bu.”
Guru : “Lah, dénéng 0?”
Toni : “Bayu goli ndikep grasa-grusu, dadi bébéké padha mlaku kabéh

sekang sawah, Bu.”
Guru : “Sabar... sabar...!” Bu Guru ngelus dada.

(SR, sekang pirang-pirang sumber)
16 ANCAS 129/Taun XI/Februari 2021