Page 30 - 129.cdr

Ngudarasa

Nggayu Lilis

Ora Seneng

Woh-wohan uga Sayuran

Pretakonan

Assalamu'alaikum warahmatullahi wabarakatuh.
Moga-moga séhat ya, Yu. Kiyeh arep takon, Yu, anaké nyong pitung taun koh ora seneng woh-wohan
lan sayur. Angger maem senengé ayam, endhog thok. Pokoké kuwé baé. Désogi sayur malah jéngkél. Jan,
babar blas ora seneng sayur apa baé, uga ora seneng woh-wohan. Karepé saben ndina jajan panganan frozen
lan sing instan-instan.
Apa mergané kuwé, ya, Yu, dadi gampang lara-laranen? Nyong serba bingung, angger ora déwéi, ya
malahan ora maem.
Kepénginé inyong, bocah ya apa-apa doyan, Yu, dadi ora cilik baé kaya kaé. Gering gampang mriyang.
Suwun seurungé ya, Yu, tak tunggu wangsulané.
Nyong Lina, Banjarnegara.
Wangsulan

Wa’alaikumsalam warahmatullahi wabarakatuh.
Kesuwun...
Mba Lina Banjarnegara, éh sekampung, ya, Mbak. Padha-padha wong Banjarnegara.
Genah iya, Mba, siki jajanan keton nyenengi banget. Gonta-ganti baé, pas karo selérané bocah-
bocah. Ya, nyenengi wujudé lan uga rasané. Rasa asin pedhes, sing paling désenangi bocah-bocah, iya
mbok, Mba Lina. Magané ora mesthi séhat.
Mba Lina, bocah jajan baé kuwé merga ngelih. Weteng ngelih marakna weruh panganan apa baé dadi
keton énak, mulané terus tuku. Jané bocah angger wareg ora gampang kepéncut weruh jajanan. Ora
tukunan.
Nah, déjajal ya, Mbak, gawé modhél-modhél panganan sing wrena-wrena, bisa
nganggo woh-wohan dégawé variasi, golé masak sayur lauk ya dépaés supayané
bocah weruh langsung kepéngin mangan. Ora usah dépréntah kon mangan,
angger wujudé apik lan rasané pas, bocah mesthi terus mangan. Terus
déupayakna maemé bareng-bareng sekeluwarga, dadi bocah weruh anggota
keluwargané padha seneng sayur lan woh-wohan. Insyaallah pakulinan mangan
panganan séhat sing délakoni keluwarga bakal détiru boca-bocah. Déjajal ya,
Mbak Lina. Pokoké, aja bosen browsing modivikasi masakan bén putrané seneng
maem panganan seger. Insyaallah gawé awak séhat lan jiwa kuat. Salam séhat
nggo Mbak Lina sekeluwarga.

Angger ana pretakonan

WA baé maring no. 0857-1085-1797

30 ANCAS 129/Taun XI/Februari 2021