Page 14 - Artemis_8_(September 2021)

Josef Hager

Diskonocht

Kumms’t eine in a Diskothek
kriags’t fost kan Plotz, du stehst am Fleck;
Es Licht is mott – schneid’n konnst de Luft
wos d’Nosn riacht is nur da Duft;
Du brauchst a Zeit bist di dafongst
und erst begreifs’t wos wird do tonzt;
De Madln, Buam kennst net vernond
se trog’n nur Jeans, sunst homs ka Gwond;
und wons’t so schaust wos konsumiern,
nur „Cola mit“ hauns in eahr Hirn.
Und schrein’s donn olle noch an Hit -
kriagst’s Diskofieber und tonzt mit;
fongs’t on zum schwitzn, rennt’s da koit -
zohl – und donn geh hoam,
du bist schon z’oit.

© Josef Hager / Heimatmuseum Niederleis