Page 16 - Artemis_8_(September 2021)

Josef Hager

Umweltsünden

Wonns’t heit am freien Föd so foarst,
siachs’t fost kann Bauern mehr;
grod monchesmoi a Bussard kroast -
und d’Reh ziagt’s Fuada her.
An Hos’n siachs’t no monchesmoi -
wos hot’s de fria gebn;
Drun’t auf da Häng im Diapntoi
und oma’n auf da Ebn.
Des kommasiern und d’Spritzarei
hot olles Leb’n ruiniert -
de Niederschläg san a vorbei,
es Wüld vor Durst krepiert.
Wia soi des weitagehn -
muaß ma se frog’n;
wean mia de letzt’n Bauern sei -
wos wean de Enkelkinder sog’n.
Drum gibt’s nur oan’s auf longe Zeit
de Umwelt zu varschona -
suns’t san de nächst’n Opfer d’Leit,
und im Dorf wird neam mea wohna.

© Josef Hager / Heimatmuseum Niederleis