Page 4 - Artemis_ Nr.7 (Juni 2021)

Christian FALTL

Die Mali hot an Breitigam ... (als Lied gedacht)

Die Mali hot an Breitigam,
wohl schon a dutzend Joa,
am Sunntog, wanns beim Heurign san,
da lamentiert er dann,
daß er nix bessers g’wordn is
und so gern jemand wär...
Die Mali tröst’ ihn jedesmal
und ziagt valiabt ihn her:

„Du hast so vül versprechen woll'n
und hast as Gott-sei-Dank net g’macht,
du hast so vül erreichen woll'n
und hast as do net fertig'bracht.
I wüll kan Held'n und kan Stutzer,
vo mia aus sei a Stiefelputzer,
i wüll nua di, mein Schatz, wiast bist!“

Da steht er eines Tages da
und schüdert sei Idee,
er mecht so gern á Zeugl foan,
dann g’hört er zu die Herrn.
Die Mali lacht und meint drauf,
hast auch des Geld parat?
Da schweigt er traurig und verlorn,
bis sie ihm ‘s wieder sagt:

„Du hast so vül ...“

Und nach ein Joa, da war er fort,
und nur ein Brief kam an:
I bin jetzt in Amerika,
da mach i g’wiß mein’ Weg!
Die Mali wart' und wart' so lang,
ob net a Nachricht kummt.
Oft, wenn’s die grauen Haar frisiert,
sie in Erinn’rung summt:

„Du hast so vül ...“

Dreiß'g Jahr is des schon alles her,
sie könnt schon Oma sein,
Da, eines Tages is er z’ruck,
ein alter, reicher Mann.
Am Finger tragt er ein’ Brillant
und fordert ihre Hand.
Sie schaut ihn an und lächelt müd
und fragt: „ Bist bei Verstand?“