Page 64 - MIN SOC

Cambionan laboral no tin ningun efecto riba contratonan
actual

Publication: Monday, 19 October 2015. Categoria: General

Minister di Labor Paul Croes:

ORANJESTAD (AAN): Minister Paul
Croes no ta di acuerdo cu ponencianan di FTA riba e cambio di articulo 1613X di nos codigo
civil.
“Na prome luga, e cambio aki no ta afecta e contratonan actual di e trahadornan na nada. Nos ta
papiando di posibel contratonan nobo cu lo por wordo sera pa tempo defini, locual actualmente
no ta posibel. Aruba como unico pais den Reino no ta brindando e oportunidad pa asina un
persona por haya un trabou di 6, 8 of 10 luna.
“Den e dialogo laboral (Tri-partite) tabatin un mayoria cu a bai diacuerdo cu e cambio. FTA y
SEPPA no ta diacuerdo. Di otro banda San Nicolas Business Association , ATIA, WAB,
AHATA y Gobierno ta sinti cu e cambio aki lo brinda mas hende oportunidad pa haya un
empleo. Finalmente Parlamento lo mester dicidi riba e cambionan aki”, Minister Paul Croes a
agrega.
“Cu un persona no por bai Banco cu un contrato di 8 luna kizas ta berdad. Pero si e persona aki
no tin trabou tampoco e por bai Banco. E cambio aki ta crea oportunidad pa esnan cu no tin
trabao at all, haya e chance aki y demostra nan talento. Un bon trahado, un biaha mas, ningun
doño di trabou lo kier perde. Actualmente tin un concurencia grandi pa mantene un bon trahado
na trabou”, Minister a sigui bisa.

Banda di esaki Minister a splica cu na Aruba e proposicion ta pa maximalisa e periodo cu por
sera un contrato pa tempo defini na 2 aña. Kiermeen bo no por bai keda prolonga e contratonan
aki pa largo.
Despues di e 2 contrato bo ta haya bo contrato pa tempo indefini (vast). “E cambio aki NO tin
ningun efecto negativo riba e contratonan (vast) actual, esaki ta un mal informacion di FTA cu
nan ta divulga of ta interpreta”, Minister a finaliza.

http://www.diario.aw/2015/10/cambionan-laboral-no-tin-ningun-efecto-riba-contratonan-actual/