Page 66 - MIN SOC

Mas hende por haya trabou. Di nos banda, e no ta zona logico. Durante tur e reunionnan cu a
tuma luga, nunca a sali na cla. Y e articulo actual no ta haci imposibel pa tuma mas hende na
trabou.

E unico cos cu e ta haci ta cu e ta sigura cu ora bo tuma un hende na trabou ta berdad e ta pa un
periodo temporal. E ta evita cu ta uza contract pa yena posicionnan fiho den un compania.”

A wordo pidi pa elimina e articulo aki y aparentemente e Minister di Labor a bay di acuerdo cu
esaki. E articulonan cu nan a inclui na su luga, ta cu por cera un contract pa tempo defini pero e
contract ta limita na un tempo maximo di dos aña.

Pues no por tin un persona riba contracto pa mas di dos aña y no mag di tin mas cu tres contracto
tras di otro. E di cuatro contracto ta haci e trahado “vast”. “Pero pa nos e no ta suficiente,
pasobra practicamente tur doño di trabou ta bay haci uzo di e temporada maximo aki. Pakico
tuma un hende pa tempo indefini den servicio si mi por dun’e un contracto di 2 aña, 3 bes 8 luna.

E problema pa e trahado ta cu e no por bay banco pa haci ningun prestamo, ni pa auto ni pa cas.
Y mester warda te ora cu tin 2 aña servicio pa aserca un banco,” Abogado Figaroa a mustra.

E otro preocupacion ta e presion cu ta bay wordo poni riba e trahado. Den caso di trahadonan
stranhero, nan por wordo menasa cu si no ta haci loke e doño di trabou kier, no ta renoba su
permiso. Awor ta crea e situacion, pero pa tur trahado cu drenta servicio.

Pues si e trahado no haci loke e doño kier, no ta renoba su contracto y pio si e busca afiliacion
cerca un sindicato. Pues un sindicato mester warda dos aña pa por haya miembronan.

“E incertidumbre cu e trahado ta bay biba cune durante e dos prome añanan di su contracto, ta
inhumano. … Ademas, ora kita derecho cu un trahado tin caba, mester tin argumentonan fuerte.
Y loke a wordo splica, no ta argumento cu ta convence nos di FTA,” Figaroa a splica. Pues ni
argumento cu por wordo soluciona di otro forma.

Hasta si bay pidi aumento, e por ta motibo pa no renoba contracto. Ademas, e tempo di prueba di
dos luna a keda mescos pero de facto e contracto di 8 luna ta bira un di dos tempo di prueba cu
doño di trabou por keda sin renoba despues di 8 luna.

http://www.diario.aw/2015/10/eliminacion-articulo-1613x-ta-crea-situacion-inhumano-pa-trahadonan/