Page 68 - MIN SOC

Minister Paul Croes: Hobennan cu no tin trabao

Publication: Monday, 19 October 2015. Categoria: General

ORANJSTAD (AAN): “E cifra di
desempleo bow hobennan (15 – 24 jr) na November 2014 tabata 22.8%. Na 2011 e tabata
23.6%. Un percentage mucho halto ainda. Cu e eliminacion di e articulo 1613X, lo crea
posibilidad pa dunadornan di trabou duna e grupo aki tambe empleo bou di e condicionnan
nobo”, Minister Paul Croes a mustra.

1 di cada 5 hoben buscando trabou no por yega na un empleo. Hopi biaha e dunador di trabou ta
mira e 2 luna di proeftijd como mucho corto pa realmente por huzga e trabou di e hoben.
Hobennan ta un grupo cu ta un poco mas dificil pa yega na un trabou. E cambio cu si un
compania por dunabo un contrato pa 8 of 10 luna juist lo apoya e grupo aki tambe.

E cambio aki no kiermeen cu pa semper e hobennan lo keda cu contratonan asina, sino cu
despues di un contrato asina mas, e hoben tambe lo bira un trahador cu un contrato pa tempo
indefini (vast). E cambio aki un biaha mas no ta afecta ningun trahador cu ya caba tin un contrato
(vast) pa tempo indefini, sino mas bien lo apoya e hobennan cu lo mester subi e mercado cu un
trabou.

Y un bes mas, si un trahador ta un bon trahador, un dunador di trabou lo no kier perde un
trahador asina. “Den paisnan unda ta existi e posibilidad pa sera contratonan pa periodonan mas
cortico (8, 10 of 12 luna por ehempel) e cantidad di hobennan desemplea ta menos, y cu esaki
den pensamento nos ta evaluando e cambio den ley aki”, Minister Paul Croes a mustra.

http://www.diario.aw/2015/10/minister-paul-croes-hobennan-cu-no-tin-trabao/