Page 65 - MIN SOC

Eliminacion articulo 1613X ta crea situacion inhumano pa
trahadonan

Publication: Monday, 19 October 2015. Categoria: General
FTA hopi disgusta cu cambio ley laboral

ORANJESTAD (AAN) – FTA no ta nada contento cu e cambionan cu Gobierno haci den
Leynan Laboral. E motibo principal ta cu trahadonan ta bay atras den nan derechonan adkiri.
E principal obheccion ta e hecho cu doñonan di trabou por ofrece trahadonan contracto di p.e. 8
luna, enbes di e situacion actual cu despues di 2 luna, e empleado ta drenta servicio permanente.
No solamente e ta crea incertidumbre laboral pa e empleado pero e ta e arma perfecto pa
doñonan di trabou tuma represalia contra trahadonan cu kier organisa nan mes, pues no ta renoba
nan contracto.
Den un conferencia di prensa, Abogado di FTA Hose Figaroa, a splica cu e situacion actual ta cu
ora un persona wordo tuma den servicio e ta bira “vast”. Tambe ley ta permiti pa cera contracto
pa un tempo defini, pero alabes ta limita esaki.
Esaki ta mara 4 situacion: ora cu mester di personal extra pa “high season”; den reemplaso di un
empleado malo; pa proyecto defini; y cu personanan cu a pasa e edad di pensioen di behes.
Pa tur otro caso, e Abogado a bisa, e trahado ta wordo den servicio pa tempo indefini. Tur esaki
ta aparece den e ley 1613X di Codigo Civil, cu ta existi solamente na Aruba.
Specificamente traha pa Aruba, pasobra cierto momento abuso tabata wordo cometi cu
contractonan di 1 aña, cu ta wordo cera di nobo despues di un luna.
Pues un empleado asina nunca ta haya un trabou “vast” pa cual a trece e cambio na 1992.
Den transcurso di aña diferente biaha a trata di trece cambio, pero representacion sindical a bay
contra esaki mientras cu doñonan di trabou ta pusha pa bini cune supuestamente, segun e
Abogado, pasobra mas hende por haya trabou di e forma aki. “Segun nan ta bisa, door di crea e
tipo di contractonan aki.